Antalııada aşy burysh jeýden jarys ótti

ASTANA. QazAqparat - Túrkııada Antalııa provıntsııasyndaǵy Kýmlýdja aýdanynda aşy burysh jeýden jarys ótti. Báseke Respýblıka alańynda aýyl sharýashylyǵy jáne jylyjaı ónimderi XIX festıvali aıasynda uıymdastyryldy, dep habarlaıdy Anadoly agenttigi.

Jarys bastalar aldynda ádiqazylar alqasy burysh sabaqtaryn tarazyǵa tartyp qatysýshylarǵa úlestirdi. Sondaı-aq buryshtyń aşylyǵyn azaıtý úshin  qyzanaqtar men aıran taratty.

Báseke sharty boıynsha, oǵan qatysqan 18 adam nebári úsh mınýttyń ishinde buryshty neǵurlym kóbirek jeýi qajet. Buǵan qosa olar ústerine sýyq sý quıdy.

Úsh mınýttyń ishinde 315 gramm aşy buryshty jep úlgergen Hasan Ozdıl jeńimpaz atandy. Ekinshi oryn 299 burysh jegen Hýseıın Akshıtke,al úshinshi oryn 279-yn qyǵytqan Mehmet Ateshke buıyrdy.

Ákimshilik basshysy Kýmlýdja Hýsamettın Chetınkaıanyń habarlaýynsha, básekeniń maqsaty jurtshylyq nazaryn Antalııadaǵy jyyjaı óndirisine aýdarý. «Biz daıyndaǵan ónimderimizdiń adam densaýlyǵyna zııany joq ekendigin kórsetýge tyrystyq»,- dep atap ótti ol.