Antalııa qalasynda ótken ІІ halyqaralyq olımpıadada Astananyń №38 mektebiniń oqýshylary І oryndy jeńip aldy
ASTANA. 3 qarasha. QazAqparat - Astana qalasyndaǵy №38 mektep-lıtseı oqýshylary 24-31 qazan aralyǵynda Antalııa qalasynda ótken ІІ halyqaralyq olımpıadaǵa qatysyp, jeńispen oraldy. «
Táýelsizdiktiń týy - bilimdi urpaq qolynda»,- dep Elbasy Nursultan Nazarbaev aıtqandaı, óz eliniń, mektebiniń abyroıyn asqaqtatyp, shákirtterimiz ózderine júktelgen úlken senimdi aqtaı bildi. Túrkııa elinde ótken olımpıadaǵa 5 memleket qatysty. Atap aıtqanda, Reseı Federatsııasy, Ýkraına, Qazaqstan, Belarýs, Túrkııa elinen barlyǵy 15 komanda qatysyp, orys tili, aǵylshyn tili, matematıka, fızıka, hımııa, bıologııa, geografııa pánderi boıynsha baq synasty.
Osy tusta Astana oqýshylary bilimderiniń tereń ekendigin, basqa memlekettiń oqýshylarymen teń dárejede baq synasa alatyndyqtaryn, birligi men uıymshyldyǵy jarasqan top ekendigin kórsete bildi. Sebebi olar oqıtyn №38 mektep-lıtseıi Astana qalasyndaǵy tańdaýly, maqtaýly mektepterdiń qatarynda tur.
№38 mektep-lıtseıi 2002 jyly Respýblıka boıynsha tańdaýly mektep atandy, 2006-2007 j, 2007-2008 j, 2008-2009 oqý jyldarynda Astana qalasynyń «Eń úzdik mektebi» atanyp, qala ákiminiń grantyn jeńip aldy.
Aıta ketý kerek, bul bilim uıasy 2009-2010 oqý jylynyń qorytyndysy boıynsha da eń joǵarǵy upaı jınap otyr. Mine, osyndaı mekteptiń oqýshylarynyń da Antalııadaǵy olımpıadada kórsetken jetistikteri aýyz toltyryp aıtarlyqtaı. Ár túrli pánder boıynsha barǵan 62 oqýshynyń 49-y ár túrli júldeli oryndarǵa ıe boldy. Atap aıtsaq, ár túrli pánder boıynsha Ámına Qudabaeva, Nuraı Madıeva, Adıla Serikhan, Juban Begejanov, Temirlan Nábı, Madına Keńesova, Darııa Esjanova, Temirlan Satybekov, Ádilhan Ábdikárim, Ásııa Ótjanova, Arýjan Dáribaı, Asqar Alshynbek, Ádil Malmaq, Arnur Madıev, Almas Nuǵman, Jandos Ámirǵalıevter birinshi oryndy jeńip aldy.
Sondaı-aq Oljas Satybaldıev, Sana Ramazanova, Ádilhan Ábdikárim, Dıasjan Dosbolov, Kamıla Ýaısova, Mereı Alımqulova, Ernar Jarylǵasov, Ádil Ibraev, Arman Qaıyrgeldınov, Arman Chındalıev, Aınur Júnisova, Aqbota Jumabek, Aıdana Baǵdatova, Áıgerim Qylysheva, Áıgerim Sanbaevalar ekinshi oryndardy ıelendi.
Sonymen qatar Dıas Mahmet, Áıgerim Esenova, Abdıǵalı Abdııar, Aıdana Kósherbaı, Mádına Nuǵmanova, Temirlan Marat, Aqnur Abdrahmanova, Jandos Amırǵalıev, Aıan Tórebekov, Álııa Jarqymbaeva, Ernar Qadyrbaev, Arnur Madıev, Aıdana Toıbasarova, Temirlan Satybekov, Erbol Kópjasarlar úshinshi júldeli oryndarǵa ıe boldy. Munyń barlyǵy №38 mektep-lıtseıdiń oqýshylary.
Komandalyq júldeli oryndardy qorytyndylaı kele, Astananyń №38 mektebi І oryndy jeńip aldy. Árıne, bul jeńis ońaılyqpen kelgen joq. Shetelge baryp, ózge memleketterdiń myqty komandalarymen bilim saıysyna túsýdiń qıyndyǵyn barlyq adam túsinedi. Degenmen astanalyq shákirtter ózgelermen terezesi teń ekendigin, bilimderi joǵary ekendigin kórsete bildi. Osy jerde shákirtterin qııaǵa qondyryp, shyńǵa shyǵarǵan ustazdarynyń da eńbegi eren.
«Elimizdi órkendeter, bolashaqtyń kiltin ustaıtyn osy bilimdi jas urpaq ekeni anyq. Osy senimdi aqtaý úshin, qazaq eliniń mártebesin joǵarylatyp, shoqtyǵyn bıiktetip, mektebiniń mereıin tasytqan shákirtterimizdi maqtanyshpen aıtamyz. Bizdiń oqýshylar Qazaqstannyń dańqyn asyrdy»,- deıdi №38 mektep-lıtseıiniń dırektory, «Qurmet» ordeniniń ıegeri Jamal Bazarqulqyzy QASYMBEK.
