Antalııa áýejaıyna qonǵan Sukhoi Superjet 100 ushaǵy órtendi

ASTANA. KAZINFORM – Reseılik Azimut áýe kompanııasyna tıesili Sukhoi Superjet 100 jolaýshylar ushaǵy Túrkııanyń Antalııa áýejaıyna qonǵannan keıin órtendi, dep habarlaıdy BBC AirportHaber Túrik aqparattyq portalyna silteme jasap.  

Federaldy áýe kóligi agenttigi zardap shekkender joq ekenin rastady.

Oqıǵaǵa baılanysty áýejaıdyń ushý-qoný jolaǵy ýaqytsha jabyldy, dep jazady basylym.

«Bılik ushý-qoný jolaǵynyń jabylýyna baılanysty ushaqtardyń qonýy toqtatylyp, keıbir reıster keıinge qaldyrylǵanyn aıtty. Aldyn ala málimet boıynsha, órt saldarynan zardap shekkender joq, qozǵaltqyshtyń órtený sebebi anyqtalyp jatyr», - delingen habarlamada.

Áýe kóliginiń federaldyq agenttigi keıinirek oqıǵa saldarynan eshkimniń zardap shekpegenin rastady.