Antalıanyń bir bóligin sý basyp qaldy
ASTANA. Jeltoqsannyń 30-y. QazAqparat - Túrkııada Antalıa kýrorttyq aımaǵynyń bir bóligi nóser jaýynnyń saldarynan sý astynda qaldy,
dep habarlaıdy «Azattyq» radıosy.
Tolassyz jaýǵan jańbyr úılerdi, kóshelerdi, jaǵalaýdaǵy qonaqúıler men dúkenderdiń birinshi qabattaryn sýdyń basyp qalýyna ákelip soqtyrdy. Polıtsııa men órt sóndirýshiler jergilikti turǵyndardy kóshirýmen aınalysýda. Keıbir aýdandarda adamdar qaıyqpen júrýge májbúr.
Al Ystambulda qatty jel halyqaralyq áýejaıda apatqa sebep bola jazdady. Jergilikti áýe kompanııasynyń úlken jolaýshy ushaqtarynyń biri jeldiń ekpinimen turaǵynan jyljyp ketken. Laıner, basqa ushaqtarǵa soqtyǵysyp baryp qana, toqtaǵan.
