Antalıada jaǵajaıda jarylys boldy
ASTANA. 26 tamyz. QazAqparat - Túriktiń Antalıa qalasynyń jaǵajaıynda búgin granata jaryldy. «HaberTıýrk» telearnasynyń deregine qaraǵanda, jergilikti jáne sheteldik týrısterdiń arasynda zardap shekkender joq,
dep habarlaıdy ITAR-TASS.
Telearnanyń deregi boıynsha, Konıaalty aýdanyndaǵy jaǵajaılardyń birinde jarylys bolǵan. Oqıǵa ornyna polıtseıler, «jedel járdem», birneshe órt sóndirý mashınasy keldi.
Jarylys bolǵannan soń, demalýshylardyń boıyn úreı bılep, jaǵajaıdy tastap ketti. Keıbir týrıster esinen tanyp qaldy, olarǵa sol jerde medıtsınalyq kómek kórsetildi.
Bılik oryndary oqıǵa ornyn qorshaýǵa alyp, tergeýdi bastady.
