Antalıada polıtsııamen atys kezinde sodyr mert boldy
ASTANA. QazAqparat - Túrkııanyń Antalıa qalasynda polıtsııa ókilderimen bolǵan atys kezinde sodyr mert boldy. Bul týraly Anadolu agenttigi habarlady.
Oqıǵa sársenbi kúni keshkisin Konıalta aýdanynda boldy. Arnaıy operatsııa kezinde polıtsııa eki sodyrmen atysqan. Atys kezinde sodyrlardyń biri mert bolyp, ekinshisi jaraqat alyp qolǵa tústi. Mert bolǵan sodyrdyń ózin granatamen jaryp jibergeni aıtylady.
Rıa Novostı agenttiginiń Haberturk telearnasynyń aldyn ala málimetterine silteme jasap bergen habarynsha, sodyrlar Túrkııady qyzmeti tyıym salynǵan Kúrdistannyń jumysshy partııasynyń músheleri bolyp otyr.
