Antalıada fýtboldan «Astana» men «Metallýrg-Kýzbass» komandalary ózara kúsh synasady
ALMATY. 26 qańtar. QazAqparat - Búgin Túrkııanyń Antalıa qalasynda «Astana» men «Metallýrg-Kýzbass» komandalary arasynda baqylaý oıyny ótedi. Bul astanalyq aıaqdopshylarlyń Túrkııadaǵy ekinshi oqý-jattyǵý jıyny aıasyndaǵy alǵashqy sparrıngtik kezdesýi bolmaq. Olardyń bul jolǵy qarsylasy 2011/2012 jylǵy maýsymda Reseıdiń Ekinish dıvızıonynyń «Batys» aımaǵynda birinshi oryn alyp, 2012/2013 jylǵy maýsymda Fýtbol lıgada baq synaýǵa múmkindik alǵan edi.
Vladımır Fedotov jattyqytyratyn novokýznetskilikter birneshe kún buryn Qazaqstan Premer-lıgasynda óner kórsetetin Qostanaıdyń «Tobyl» komandasymen 0:0 esebimen teń túsken bolatyn. Quramynda Chehııa jáne Grýzııa eliniń legıonerleri bar «Metallýrg-Kýznetsk» komandasy óziniń qazirgi ataýyn 2003 jyly ıelengen bolatyn. Oǵan deıin olar ár jyldary «Metallýrg-Zapsıb, «Zapsıbovets», «Metallýrg Vostoka» «Kýznetsk-Stalınsk» dep atalyp kelgen edi.
