Ańshylar jeke haıýanattar baǵynan qashqan arystandy izdestirýde
ASTANA. QazAqparat - RF Tver oblysynyń ortalyǵy Tver qalasy mańynda ańshylar jeke haıýanattar baǵynan qashqan arystandy izdestirýde, dep habarlaıdy reseılik BAQ.
"Erli zaıyptylar Poddýbe aýylynyń mańynda júrgende 150 metr jerden ańdy kórgenin aıtty", - dedi óńirdegi Kablýkovskıı selolyq mekeniniń basshysy Dmıtrıı Kerdanov.
Seısenbi kúni, 7 tamyzda belgisiz bireýden Kablýkovskıı selolyq mekeninde arystannyń júrgeni týraly aqpar kelip tústi dep habarlady, RF ІІM Tver oblysy boıynsha basqarmasynyń baspasóz qyzmetiniń jetekshisi Vadım Levshın. Alaıda izdestirý barysynda mamandar ańnyń izin tappady.
"Arystandy Poddýbe, Orsha eldi mekenderinde sońǵy ret Emmaýs kentiniń mańynda kórgen", - dedi aýdandyq ІІMB.
Tamyzdyń 7-nen 8-ne qaraǵan túni ańshylar haıýanattyń izin tapty.
