Ańshy muz oıyǵyna túsip ketken qabandardy jalań qolymen sýyryp aldy
ASTANA. QazAqparat - Erjúrek ańshy muz oıyǵyna túsip ketken úsh qabandy qulaǵynan tartyp, sýyryp aldy. Onyń dostary túsirgen beınejazbany «360» telearnasy jarııalady.
«Ózimiz túsip ketpeımiz be? Meniń oıymsha, bul qabandar. Ańshylyq dep osyny aıt! Eı, biz senderdi qutqarýǵa bara jatyrmyz!» - deıdi ańshylar.
Kadrda úsh jabaıy ańnyń muz qursaýyna túsip ketip, ózdiginen shyǵa almaı jatqany aıqyn kóringen. Muzǵa jaqyndaǵan ańshy qabannyń qulaǵynan ustap, sýdan shyǵarady. Árıne, jabaıy dońyzdy jiberýge asyqqan joq.
«Meni fotoǵa túsir! Ustap aldym! - dep ańshy birneshe fotoǵa túsip, qabandy bosatty. Aman qalǵan qaban qamys arasyna kirip ketti.
Ekinshi qabandy da ańshy esh qıyndyqsyz qutqardy. Al sý ishindegi úshinshi qaban ańshyǵa shabýyl jasap, ózin qutqarýyna múkindik berer emes. Dál osy sátte beınerolık úziledi jáne onyń qaıda, qashan túsirilgeni belgisiz.
