Ańshy ıti ıesiniń ólimine sebepker boldy
ASTANA. QazAqparat - Perm ólkesinde jazataıym oqıǵanyń saldarynan ańshy qaza tapty, dep habarlaıdy LifeNews.
Ańǵa shyqqan jergilikti turǵyndardyń bir toby demalý úshin toqtaǵan. Er adamdardyń biri óziniń myltyǵyn oqtaýly kúıinde aǵash túbiriniń qasynda qaldyryp ketken. Qasynda túrtinektep júrgen ıti kezdeısoq shappaly mehanızmge tıip ketken. Atylǵan myltyq oǵy ıt ıesiniń moınyna tıip, ol oqıǵa ornynda ajal qushty.
Ańshynyń ólimi faktisimen qylmystyq is qozǵaldy, tekserý jumystary júrgizilip jatyr. Polıtseıler oqıǵanyń bolýy múmkin barlyq nusqalaryn tekserýde - olar shappaly mehanızm ıt áreketinen iske qosylǵanyna tolyq senbeı otyr. Buǵan ańshylardyń kináni ıtke jaba salǵan jazataıym oqıǵa bolýy múmkindigi de tekserilýde.
