Ańshy balasyn buǵy dep oılap, jaıratyp salǵan
ASTANA. QazAqparat - Reseıdegi Hanty-Mansıısk avtonomdyq aımaǵynyń tergeý organdary ákesiniń balasyn óltirý faktisi boıynsha tergeý amaldaryn júrgizýde.
Oqıǵa 3 qańtar kúni Nefteıýgan aýdanynda bolǵan. Aýa raıynyń bulyńǵyr kezinde ańshy aldynda kele jatqan nysandy buǵy dep oılap, oǵan qaraı oq atqan. Alaıda ol janýardy emes, óz balasyn jer jastandyrǵan. 18 jastaǵy jas jigit alǵan jaraqatynan oqıǵa ornynda kóz jumdy, dep habarlady aımaqtyq tergeý basqarmasynyń baspasóz qyzmetinen.
RF QK 109-babynyń 1-bólimi («Abaısyzda adam óltirý») boıynsha qylmystyq is qozǵaldy.
