Ánshilerge áni ár júktelgen saıyn aqsha túsiretin aqparattyq júıe jasalady

ASTANA. KAZINFORM – Elimizde saıttardan áni júktelgen saıyn, karaokede aıtylǵan saıyn ánshilerge aqsha túsetin bolady. Ony retteıtin arnaıy aqparattyq júıe jyl sońyna deıin jasalmaq. Bul týraly QR Ádilet vıtse-mınıstri Bekbolat Moldabekov aıtty.

- Qazir ánshilerdiń ánderi kafe, meıramhanalarda aıtylsa, zań boıynsha arnaıy protsent tólenýi kerek. Biraq onyń áni qansha ret aıtylǵanyn anyqtaıtyn aqparattyq júıe joq. Eshbir ánshi óziniń áni el boıynsha qansha ret aıtylǵanyn, tyńdalǵanyn bile almaıdy. Sheteldik ártisterge qarasaq, olardyń búkil aqparaty iTunes sııaqty aqparattyq júıelerge tirkeledi. Bir án júktelse, sodan aqsha túsetin bolǵandyqtan, kontsertterge emes, sondaı jobalarǵa kirýge umtylady. Bizdiń jasaǵaly otyrǵan aqparattyq júıemiz osy máseleniń bárin rettep, monetızatsııasyn jolǵa qoıady, - dedi ol Úkimet otyrysynyń kýlýarynda.

Vetse-mınıstrdiń aıtýynsha, jobany jyl sońyna deıin iske qosý josparlanǵan. Ázirshe naqty ataýy joq. Ony Ádilet mınıstrligine qarasty «Kazpotent» kompanııasy júzege asyrady.

Buǵan deıin Ádilet mınıstri bul salada jasandy ıntellekt elementteri bar tsıfrlyq platformany engizý máselesi pysyqtalyp jatqanyn aıtty.