Ánshi Valentına Tolkýnova dúnıeden ozdy
ASTANA. Naýryzdyń 22-si. QazAqparat - RSFSR halyq ártisi Valentına Tolkýnova dúnıeden ozdy. Ánshi uzaqqa sozylǵan naýqastan aýrýhanada kóz jumdy,
dep habarlaıdy Utro.ru saıty.
Ánshi aqpan aıynyń sońynan beri Botkın aýrýhanasynda emdelip jatqan bolatyn. Jumadan senbige qaraǵan túni jaǵdaıy kúrt nasharlaǵan ol, jansaqtaý bólimine aýystyrylǵan. Sodan keıin ánshi palataǵa din qyzmetkerin aldyrtyp, dinı rásim oryndatqan.
Valentına Tolkýnova aýrýhanaǵa Mogılevtegi kontsertinen keıin kelip túsken. Bastapqyda onyń qan qysymy kóterilgen degen dıagnozdar aıtylǵan bolatyn. Ánshi Mogılevten Máskeýge arnaıy jansaqtaý kóligimen jetkizilgen.
Keıinnen baspasózde, belarýs medıkteriniń ánshige qaterli isik dıagnozyn qoıǵany týraly aqparattar paıda boldy. Ánshi birneshe jyldan beri aýyryp júrgen sút beziniń qaterli isigi onyń baýyry men ókpesine shapqany belgili boldy. Sondaı-aq onda mıdyń isigi de anyqtalǵan.
