Ánshi Tolqyn Zabırova koronavırýspen ekinshi ret aýyryp qaldy
ALMATY. QazAqparat -Tanymal estrada jáne opera ánshisi Tolqyn Zabırova koronavırýs ınfektsııasyn ekinshi ret juqtyryp aldy, dep habarlaıdy QazAqparat.
Bul týraly ánshi óziniń Instagram-daǵy paraqshasynda jazdy.
«Ekinshi ret aýyryp qalý múmkin emes, dep júrip...Antıtelanyń arqasynda jeńilirek ótip jatyr. Tek mamama aýyr bolyp tur. Jasy -74. Alla shıpasyn bersin mamama»,- dep jazdy ánshi.
Sonymen qatar, ol ýaqytynda vaktsına alǵan durys ekenin atap ótti.
«Der kezinde prıvıvka alǵan durys eken. Bir-aq osyndaı jasta, úlkenderge saldyrýǵa bolarma eken?! Bárimiz aman bolaıyq, aýyryp jatqandarǵa Alla kúsh-qýat berip, myna indetten qutylyp, mereke kúnderde bas qosaıyq, dostar»,- dedi Tolqyn Zabırova.
