Ánshi Serikbol Saılaýbektiń basy daýǵa qaldy
ASTANA. QazAqparat - Ánshi Serikbol Saılaýbek án salyp jatqan kezde avtomatpen qorshaýǵa alǵan kúzet fırmasy qyzmetkerleriniń áreketine quqyqtyq baǵa beriledi. Bul týraly QR Іshki ister mınıstrliginiń resmı ókili Almas Sadýbaev aıtty, dep habarlaıdy QazAqparat tilshisi.
Qarýly kúzet ortasynda óner kórsetip turǵan ánshi beınelengen vıdeo Saryǵash qalasynda túsirilgen. Aldyn ala málimetke sáıkes, uıymdastyrýshylar merekelik sharaǵa kúzet agenttigin tartqan. Qazirgi ýaqytta olardyń qandaı maqsatty ustanǵanyn tekserip, anyqtap jatyrmyz. Sodan keıin olardyń áreketine, sonymen qatar kúzet fırmasy qyzmetkerleriniń áreketine quqyqtyq baǵa beretin bolamyz», - dedi Almas Sadýbaev.
Avtomat asynǵan kúzetshilerdiń ortasynda óner kórsetip turǵany taspalanǵan vıdeony ánshi Serikbol Saılaýbek Instagramdaǵy paraqshasyna júktegen bolatyn. Onda ánshi: «Bilmeımin negizi toıǵa ózim barǵam jáne ózim qaıtqam. ıÝldýz Ýsmanova toıǵa kelgen. Bizge ondaı baqyt qaıdan», - dep jazǵan edi.
