Ánshi Sara Braıtman ǵaryshqa ushýy úshin 52 mln. dollar tóleıdi
ASTANA. QazAqparat - Reseıdiń «Soıýz» kemesimen ushyp, Halyqaralyq ǵarysh stansasynyń bortynda 10 kún bolý úshin brıtanııalyq ánshi Sara Braıtmanǵa 52 mln. dollar tóleý qajet.
Bul týraly seısenbi, 10 maýsym kúni Roskosmospen kelisim boıynsha «ǵarysh týrısteriniń» saparyn uıymdastyrýmen aınalysatyn Space Adventures kompanııasynyń prezıdenti Tom Shellı habarlady.
Onyń sózine qaraǵanda, Braıtman HǴS-ǵa 2015 jyldyń qyrkúıeginde ushýdy josparlap otyr jáne aldaǵy kúzde Máskeý túbindegi ǵaryshkerlerdi daıyndaý ortalyǵynda birneshe aı boıy jattyǵýdan ótedi. «Ol óziniń bul oıyna nyq senimdi jáne óziniń naqty josparlaryn qurýda», - dep atap ótti Florıda shtatynyń Ulttyq ǵarysh klýbynda sóz sóılegen Shellı. Ol Braıtmannyń ǵaryshta bolǵan jáne onda qandaı da bir mýzykalyq kompozıtsııany oryndaǵan alǵashqy kásibı ánshi retinde tarıhta qalǵysy keletinin rastady.
