Ánshi Rysty Súleımenovanyń shyǵarmashylyq keshi ótti
ALMATY. 9 jeltoqsan. QazAqparat /Erbol Turymbetov/ - Keshe Almaty oblysy Qaskeleń qalasynda belgili ánshi Rysty Súleımenovanyń «Tomaǵamdy al da topqa sal» atty shyǵarmashylyq keshi ótti.
Oǵan «Besqala» jyr mektebiniń ókili, Naýryzbek jyraýdyń tól shákirti, jyraý Óserbaı Sársenbaev, Qurmanǵazy atyndaǵy Qazaq ulttyq konservatorııasynyń ustazdary Sáýle Janpeıisova, Aıgúl Qosanova jáne basqa da ónerpazdar qatysty.
Respýblıkalyq Ǵarıfolla Qurmanǵalıev atyndaǵy, Muhıt Meralyuly atyndaǵy konkýrstardyń jáne halyqaralyq «Shabyt» festıvaliniń laýreaty, QR Qorǵanys mınıstrligi ansambliniń ánshisi Rysty Súleımenova batys mektebiniń ánderin tyńdaýshysyna jetkize oryndaıtyn dástúrli ánshi.
Keshte halyq ánderi, Naýryzbek jyraý, Muhıt, Ǵ. Qurmanǵalıev pen Sartaıdyń jáne t.b. jyr-termeleri aıtyldy.
