Ánshi Móldir Áýelbekova uzatyldy (FOTO)
ASTANA. QazAqparat - Tanymal ánshi Móldir Áýelbekovaǵa 4 jeltoqsan kúni syrǵa salynyp, uzatyldy. Bul týraly Móldir Instagramm paraqshasynda jarııalady.
«Keshe syrǵa salynyp, uzatyldym. Endi búgin betashar boldy. Barsha dúıim xalyq bolyp qýanyshyma ortaq ekenderińizdi bilemin. Tamasha tilekterińizge, jyly lebizderińizge, quttyqtaýlaryńyzǵa úlken alǵys! Jaqsy kóremin ǵoı sizderdi», - dep jazǵan ánshi óz paraqshasynda. Sondaı-aq ánshi paraqshasyna jarııalaǵan sýretteriniń birine: «Asqar taý ákemniń aq batasyn alyp keshe shańyraqtan uzatyldym», - dep jazǵan.
Ánshi suhbattarynyń birinde óziniń bolashaq jary jáne toıǵa daıyndyǵy týraly aıtyp bergen bolatyn. "Bolashaq jartymnyń esimi - Arystan, ony kópten beri jaqsy tanımyn, onyń ónerge eshqandaı qatysy joq. Degenmen de ol meniń ónerimdi, talantymdy baǵalaı biledi, ol maǵan "Ne istep júrsiń? jumys jasaıyq, beınebaıan túsireıik" dep urysyp qoıady. Toı ótkennen keıin men de Astana qalasynyń turǵyny bolamyn, óıtkeni joldasym Elordada turady, onyń ústine osy qalada enem bar. Astanada úsheýimiz turatyn bolamyz. Qyz joldas - ózimniń jan qurbylarymnyń biri - Sandı Beksyrǵa", - degen edi. Aıta keteıik, Móldirdiń kópten kútken qýanyshty toıy 12 jeltoqsan kúni Taraz qalasynda ótedi.
