Ánshi Meraııa Kerı mıllıarder Djeımske turmysqa shyqty
ASTANA. QazAqparat - Tanymal amerıkandyq ánshi Meraııa Kerı Nıý-Iorkte avstralııalyq mıllıarder Djeıms Pakerge turmysqa shyqty. Neke qııý rásimi qashan bolatyny belgilengen joq, dep habarlady beısenbi kúni TMZ saıty.
Onyń málimetterinshe, 48 jastaǵy Paker 45 jastaǵy ánshini kezdesýge shaqyryp, oǵan bildirtpeı eń jaqyn dostaryn da shaqyrǵan. Olardyń kózinshe súıiktisiniń aldyna tizerlep turyp, Meraııaǵa usynys jasady.
Meraııa men Djeıms 2015 jyldyń maýsymynan beri kezdesip júr. Olar ánshiniń ekinshi kúıeýi, eki balasynyń ákesi Nık Kennonmen ajyrasýǵa aryz jazǵannan keıin eki aıdan soń tanysty. Erekshe daýysqa ıe Meraııanyń birinshi kúıeýi - birneshe dybys jazýshy kompanııanyń ıesi Tommı Mottola bolǵan. Al eki nekeden eki balasy bar Paker eń dáýletti avstralııalyq azamattardyń tiziminde tórtinshi orynda. Ol otbasylyq dáýletin jyljymaıtyn múlik, shoý-bıznes jáne qumarlyq oıyndar salasynda tabysqa jetip, eseleı arttyrdy. Forbes jýrnaly Pakerdiń dáýletin 4,5 mlrd. dollarǵa baǵalady.
"Kerı 1990 jyly Mariah Carey albomy jaryqqa shyqqan soń tanymal boldy. Naýryz aıynda albom AQSh hıt-sherýinde 73-shi oryn alsa, tamyzda birinshi orynǵa shyqty", dep jazady tass.ru.
