Ánshi Marjan Arapbaeva kóktemniń alǵashqy kúninde Astanada jeke kontsertin beredi
ASTANA. 28 aqpan. QazAqparat /Gúlmıra Álıakparova/ - Erteń, 1 naýryz kúni Astana qalasynyń memlekettik tsırkinde ánshi Marjan Arapbaevanyń jeke kontserti ótedi.
Kesh baǵdarlamasynda ánshi kórermenderine kóptegen tosyn syılar ázirlep otyr. Solardyń arasynda Marjan halyq aldyna alǵash ret dombyra ustap shyǵady. Onymen birge, halyq aspaptar orkestriniń súıemeldeýimen birneshe ánderdi syıǵa tartpaq.
Kontsertte sondaı-aq, Marjannyń juldyzdy áriptesteri: Aıjan Nurmaǵanbetova, «Mýzart» tobynyń ánshisi Sáken Maıǵazıev, daryndy Erkin Máýlen, "Eki juldyz" telejobasyndaǵy juldyzdy juby (osy jobanyń jeńimpazdary) - Rahman Omarov óner kórsetedi. Juldyzdy jup telejobadaǵy eń jarqyn jáne tańdaýly qoıylymdaryn kórermenderine taǵy bir pash etedi. Tosyn syılar bunymen bitpeıdi. Marjan Arapbaeva alǵash ret óziniń jary ári prodıýseri, daryndy rejısser Baqytjan Tájenovpen birge án salmaq.
Keshtiń sońynda M. Arapbaevanyń jańa klıpiniń tanystyrylymy bolady.
Hıt ánderdi oryndaýshy M.Arapbaeva óziniń juldyzdy jolyn respýblıkalyq «Ánshi balapan» baıqaýynan bastady. Ol sondaı-aq «Jas qanat» jas oryndaýshylar baıqaýyna qatysyp, birneshe márte «Azııa daýysy» halyqaralyq festıvaliniń laýreaty atandy. Ánshiniń enshisinde estrada salasyndaǵy túrli marapattar men dıplomdar bar. Alǵashqy jeke kontsertin 2009 jyly Astana qalasynda berdi.
