Ánshi Maqpal Isabekova: «Ómirde áli saǵym synǵan joq»
ASTANA. QazAqparat - Qazaqstannyń estrada ánshisi Maqpal Isabekova óner jolyna túsýine sebep bolǵan «Super Star» jobasyna anasynyń aqylymen kelgenin jetkizdi. Ol týraly ánshi baistars.kz saıtyna bergen suhbatynda aıtqan.
«Meniń óner jolyna kelýim «Super Star» jobasynan bastaldy. Men bul jobaǵa óz erkimmen kelmes edim. Óıtkeni, óz-ózime asa senimdi bolǵan joqpyn. Jobaǵa baryp, keıin ánshi bolamyn degen oı bolǵan emes. Al anam bolsa sol kezde maǵan kelip «joba bolaıyn dep jatyr eken, ádil-qazylar alqasynda Batyrhan otyrady. Bári ashyq, aıqyn ótetin shyǵar. Sol jobaǵa baraıyq» dep usynys aıtqan bolatyn. Sodan keıin jobaǵa keldim», -deıdi ánshi.
Maqpaldyń aıtýynsha, ol óziniń ánshi bolatynyn kishkentaı kúninen sezgen. «Men mektepte oqyp júrgen kezimde án aıtatynmyn. Sonda synyptastarym, dostarym maǵan únemi «sen nege mýzykalyq mektepte oqymaısyń? Nege mýzykadan sabaq almaısyń?» dep aıtatyn. Sol kezde men mindetti túrde ánshi bolamyn. Men ony sezemin, bilemin. Biraq maǵan ánshi bolý úshin ondaı oqý kerek emes deıtinmin», dep eske alady ol. -Eń basty jetistikterim áli alda. Ómirimde osy ýaqytqa deıin saǵym synǵan kezder bolmady. Bul men úshin mańyzdy, - dep sózin qorytqan ánshi suhbatynda.
