Ánshi Lýına «Rising Star Türkiye» baıqaýynyń aqtyq kezeńine deıin jetpek
ASTANA. QazAqparat - Qazaqstandyq ánshi Lýına «Rising Star Türkiye» baıqaýynyń ekinshi kezeńinde Alısha Kızdiń Empire State of Mind ánin shyrqady.
«Aqtyq kezeńge deıin jetkim keledi. Laıyqty qatysýshylardyń óte kóp bolýynan, onyń óte qıyn bolatynyn túsinip otyrmyn», - dedi Lýına sahnaǵa shyqpas buryn.
Án oryndalǵan soń quramyna Mustafa Sandal, Demet Akalyn, Oıký Serter jáne Fýat sııaqty ánshiler kirgen qazylar alqasy tańdanystaryn jasyra almady.
Tanymal túrik ánshisi Mustafa Sandal munyń aldyndaǵy kezeńde de Lýınanyń talantyn laıyqty baǵalaǵan bolatyn. Osy joly ol sózi jetpeıtinin jáne oryndaý «óte ádemi» bolǵanyn aıtty.
Eske sala keteıik, onda Lýına Beıonseniń «Halo» ánin asa sheber oryndap shyqqan edi.
