Ánshi Ksenııa Ashyǵalıevanyń isin polıtsııa baqylaýǵa aldy
ALMATY. QazAqparat – Almatylyq polıtsııa basshylyǵy ánshi Ksenııa Ashyǵalıevanyń isin baqylaýǵa aldy, dep habarlaıdy QazAqparat tilshisi.
Polıtsııa departamentiniń habarlaýynsha, bul oqıǵa boıynsha QR QK 126-babynyń 2-bóligi boıynsha qylmystyq is qozǵalǵan.
Jábirlenýshi áıeldiń aryzdanǵan adamdary qazir polıtsııaǵa túsinik berip jatyr. Óndiristik is barysynda qylmystyq-protsessýaldyq shara aıasyndaǵy tergeý sharalary iske qosylyp jatyr.
Sonymen qatar, sot-medıtsınalyq saraptama taǵaıyndaldy. Qylmystyq isti tekserý protsesin polıtsııa departamentiniń basshysy óz baqylaýyna aldy.
Aıta keteıik, keshe «Jackpot» tobynyń ánshisi Ksenııa Ashyǵalıeva men onyń kúıeýi, gıtarıst Baýyrjan Ashyǵalıevtiń arasyndaǵy otbasylyq daý-janjal kópshiliktiń nazaryna ilikken edi. Ánshi óziniń basynan ótken jaıtty áleýmettik jeli arqyly jarııalady. Onyń aıtýynsha, kúıeýi ony jertólege aparyp, uryp-soqqan.
