Ánshi Kentaldyń vıdeosy polıtsııanyń bedelin túsirdi - Almaty polıtsııasy
ALMATY. QazAqparat – Áleýmettik jelide jarııalanǵan vıdeojazba Almaty polıtsııasynyń nazaryna ilikken. Polıtsııa bul jazbany adamdardyń qaıǵy-qasiretin kelemejdeý dep baǵalady, dep habarlaıdy QazAqparat tilshisi.
«Bul beınerolık kópshiliktiń narazylyǵyn jáne jaǵymsyz reaktsııa týdyrdy. Kóptegen azamattar ony qatardaǵy polıtsııa qyzmetkeri dep oılaǵan, sondyqtan onyń sózderin synǵa aldy. Menińshe, T.Kenjebolatovtyń áreketi qazaqstandyq polıtsııanyń bedeline aıtarlyqtaı nuqsan keltirdi, al tártip saqshylary dárigerlermen qatar – aldyńǵy shepte adal qyzmet etip jatyr. Ókinishke qaraı, bul indet bizdiń qatarymyzdy da aıamady. Bul beıneniń qashan jáne qandaı jaǵdaıda túsirilgeni mańyzdy emes. Eń bastysy, ony avtor qazir koronavırýspen betpe-bet kelgen myńdaǵan otandastarymyzdyń qaıǵysy men ýaıymyn mazaq etip jarııalady. Osy múmkindikti paıdalanyp, óner ókilderi men shyǵarmashylyq zııaly qaýymǵa júgingim keledi. Sizder áıgili tanymal tulǵasyzdar, halyq sizderdi qurmetteıdi, sizderge senedi. Sizderdiń árbir sózderińiz týra maǵynasynda qabyldanady. Qazir laık pen haıpty sanaýdyń ýaqyty emes. Іndetpen kúresýge birigeıik. Barlyǵymyzdy karantın rejımin saqtaýǵa, maska kııýge jáne áleýmettik qashyqtyqty saqtaýǵa shaqyraıyq. Bul jerde sizdiń kómegińiz óte mańyzdy», – dedi Almaty qalalyq PD bastyǵynyń birinshi orynbasary Nurlan Almasbekov.
Osyǵan deıin Almaty polıtsııasy belgili ánshi túsirgen vaınǵa qatysty málimdeme jasaǵandyǵyn jazdyq.
