Ánshi «Qapqarashka» Eýrovıdenıege barýy múmkin
ASTANA. 2 qazan. QazAqparat - Qazaqstan estradalyq ánderdiń álemdegi eń tanymal baıqaýlarynyń biri - «Eýrovıdenıege» qatysýy múmkin.
Kelesi jyly-aq Eýrovıdenıede Qaraǵandy oblysynyń týmasy, halyq arasynda «Qapqarashka» laqap atymen tanymal Nurjan Kermenbaev án shyrqaýy múmkin. Bul týraly NTK telekanalyna silteme jasap Total.kz habarlady.
«Qapqarashka» baıqaýǵa qalaı túse alatyndyǵy naqtylanbaıdy. Atap óteıik, «Eýrovıdenıege» qatysýǵa ótinim berý úshin Qazaqstanǵa kem degende Eýropalyq habar taratý odaǵyna múshe elderdiń qataryna ený kerek.
23 jastaǵy ánshiniń ózi «Eýrovıdenıeni» kópten beri baǵyndyrýdy armandaǵanyn aıtady. Eske salaıyq, 2006 jyly Nurjan "Superstar.kz-3" tanymal telejobasynyń jeńimpazy boldy. 2009 jyly ıÝrmalada ótken «Jańa tolqynda» el namysyn qorǵap, 14-inshi orynǵa ıe boldy. Qazirgi ýaqytta Saltanat Baqaevamen birge «Arnaý» dýetiniń qatysýshysy.
«Eýrovıdenıe-2013» Shvetsııanyń Malme qalasynda 14-18 mamyr aralyǵynda ótedi. Baıqaýǵa qatysýǵa ótinimderin qyryqtan astam memleket berýge nıetti.
