Ánshi Q.Ábildına Áıelder isi jónindegi ulttyq komıssııanyń múshesi boldy
«Ózderińizde biletindeı, Memleket basshysynyń 2014 jyldyń 4 jeltoqsanyndaǵy Jarlyǵyna sáıkes ulttyq komıssııanyń quramyna ózgerister engizildi. Memleket basshysynyń tapsyrmasyna oraı jańa quram aıtarlyqtaı nyǵaıa tústi. Onyń quramyna zańnamalyq bıliktiń, azamattyq qoǵamnyń ókilderi, óner qaıratkerleri, ulttyq kompanııalardyń, Ulttyq ekonomıka mınıstrliginiń ókilderi kirdi. Sonymen qatar komıssııa erejesine ózgertýler engizildi», - dedi G.Ábdiqalyqova.
Osydan keıin Memlekettik hatshy ulttyq quramyna kirgen jańa múshelerdi tanystyrdy. Onyń aıtýynsha, buǵan deıin komıssııa quramynda bolǵan Májilis depýtaty Elena Tarasenko men Ortalyq saılaý komıssııasynyń múshesi Lázzat Súleımen aldaǵy ýaqytta Ulttyq komıssııa tóraıymynyń orynbasarlary bolady. Komıssııa hatshylyǵyna «Delevoı mır» jýrnalynyń redaktory Sholpan Syzdyqova taǵaıyndalyp otyr.
Al komıssııa quramyna kirgen jańa músheler mynalar: ánshi, Qazaqstannyń eńbek sińirgen ártisi Qaraqat Ábildına, QR Ulttyq ekonomıka vıtse-mınıstri Mádına Ábilqasymova, Senat depýtaty Mıhaıl Bortnık, «Astana EKSPO-2017» UK» AQ-nyń baspasóz hatshysy Aıgúl Múkeı, «Baýyrjan» qaıyrymdylyq qorynyń negizin salýshy, Almaty qalasy Naýryzbaı aýdany ákiminiń orynbasary Juldyz Omarbekova.
