Ánshi Ibragım Eskendir bokstaǵy tórtinshi jeńisine qol jetkizdi

ASTANA. QazAqparat - Elordada qazaqstandyq boksshy Beıbit Shúmenov pen Hıznı Altýnkaı arasyndaǵy aıqastyń anderkarty bastalyp ketti, dep habarlaıdy QazAqparat tilshisi.

Anderkarttardyń legin qazaqstandyq boksshy ári ánshi Ibragım Eskendir men qazirgi ýaqytta Reseıdiń atynan shyǵyp júrgen Serik Ájibaev ashty. Boks kórermenderi uzaq teketires bolar dep kútken. Alaıda kórermenderdiń kútkeni bolmady.

Ájibaev aıqasqa daıyn bolmaı shyqty. Alǵashqy sekýndtardyń ózinde buryshqa shegine berdi. Ibragım Eskendir qarsylasynyń osy olqylyǵyn sátti paıdalanyp, búıir tusynan aýyr soqqylarmen qarsylasyn tyǵyryqqa tiredi. Qaıtalanǵan birneshe soqqydan keıin Ájibaev tizerlep otyra qalyp, aıqasty ary qaraı jalǵastyra almaıtynyn bildirdi. Qazaqstandyq ánshi ári boksshy osylaısha kásipqoı bokstaǵy tórtinshi jeńisine qol jetkizip otyr.