Ánshi Ernar Aıdar karantın rejimin buzǵany úshin jazalandy
ALMATY. QazAqparat – Ánshi Ernar Aıdar karantın rejimi buzǵany úshin ákimshilik jaýapkershilikke tartyldy, dep habarlaıdy QazAqparat tilshisi.
Qalalyq Polıtsııa departamentiniń baspasóz qyzmetiniń habarlaýynsha, 12 adam bir ǵımaratqa jınalyp utys oıynyn uıymdastyrǵan.
«Olardyń arasynda ánshi Ernar Aıdar bar. Jınalǵandar onlaın translıatsııa júrgizgen. Olardy Ekonomıkalyq tergeý departamenti ustaǵan. Polıtsııa jınalǵandarǵa qatysty QR ÁqbK 476-babymen ákimshilik hattama toltyrdy. Іs materıaldary qazir aýdanaralyq ákimshilik sotqa jiberildi», - dedi Medeý aýdandyq Polıtsııa basqarmasy basshysy Bolat Totybaev.
Tótenshe jaǵdaı rejimin buzǵandarǵa QR ÁqbK 476-baby boıynsha 10 AEK mólsherinde aıyppul jáne 15 táýlikke deıin qamaý jazasy qarastyrylǵan.
Aıta ketý kerek, qazir Almatynyń polıtseıleri áleýmettik jelige monıtorıng júrgizip jatyr.
Keshe vaınerlerdiń biri - jelide «Zheka_Fatbelly» laqap atymen tanymal Jeńis Omarov ustaldy. Oǵan sot sheshimimen 10 AEK mólsherinde aıyppul salyndy. Ol dosyn úıine shaqyryp, shashyn aldyrǵan. Sol beınerolıkti ınternetke júktegen.
Eske sala ketsek, munyń aldynda belgili ánshi Arman Qońyrbaev ta karantın rejimin buzǵany úshin jaýapkershilikke tartylǵan bolatyn. Ánshi Almatydaǵy meıramhanalardyń birine barǵan.
