Ánshi Dımash Qudaıbergenov Qytaıdaǵy tanymal telebaǵdarlamada qonaqta boldy
ASTANA. QazAqparat - Ánshi Dımash Qudaıbergenov Qytaıdaǵy «Hýnan» telearnasynyń tanymal shoý baǵdarlamasynda qonaqta boldy. Bul týraly ánshi óziniń Іnstagram paraqshasynda habarlady.
«Qaıyrly kesh, dostar! Búgin Qytaı telearnasynyń eń bedeldi keshkilik ázil shoýy «Kýaı Ly Da bin ıiń» túsinikti bolý úshin «Qytaıdyń túngi stýdııasy» meni qonaqqa shaqyrdy. Selın Dıonnyń «All by myself» ánin kópshilikke arnap, qytaıdyń «Jańa kún» ánimen án texnıkasyn kórsetip, Bıbigúl Tólegenova apamyzdyń «Bulbulyn» shyrqap berdim. Qytaıdyń eń tanymal júrgizýshilerine qazaq tilin úırettim! Bir ázildesip, bir kúlip, bir marqaıyp qaıttyq!», dep jazady ánshi.
«Hýnan» Qytaı telearnalary arasynda kórermender sany jaǵynan 2-oryn alady. Arnanyń «Kýaı Ly Da bin ıiń» baǵdarlamasy qazaqsha «Shattyq ordasy» degen maǵyna beredi. 1997 jyldan bastap júrgizilp kele jatqan Qytaıdyń eń yqpaldy telebaǵdarlamalarynyń biri. Buǵan deıin baǵdarlamada Devıd Bekxam, Sheın Batte syndy álemdik juldyzdar qonaqta bolǵan.
