Ánshi Dıma Bılannyń úıin tonap ketti
ASTANA. QazAqparat - Belgisiz bireýler Reseı ánshisi Dıma Bılannyń Jańa Máskeýdegi úıin tonady, dep habarlady «Interfaks» agenttigine quqyq qorǵaý organdaryndaǵy aqparat kózi.
Onyń aıtýynsha, jumaǵa qaraǵan túni Dıma Bılannyń Rasskazovka kentindegi úıiniń tonalǵany týraly habarlama kelip túsken.
RF ІІM Máskeý boıynsha MB baspasóz qyzmetiniń bastyǵy Andreı Galıakberov qalalyq polıtsııanyń «kenttegi» úıdiń tonalýyn tergep jatqanyn rastady.
«Oqıǵa ornyna kelip jetken tergeý-jedel toby úıdiń 33 jastaǵy ıesin, sondaı-aq kúzetshisin surastyrdy. Polıtsııa qyzmetkerleri oqıǵa ornyn qarap shyǵyp, buzýdyń bolýy múmkin izderin tirkedi, úıde turǵan zattardaǵy saýsaq izderin sheship aldy», - dedi ol.
Galıakberov bolǵan oqıǵa men urlanǵan zattar tiziminiń anyqtalyp jatqanyn atap ótti.
