Ánshi Búrkit jańa beınebaıanǵa qatysty halyqtyń pikirlerine jaýap berdi

Jaqynda Búrkit pen Aıshanyń «Ágýgaı» ánine túsirilgen beıneklıpi kórermenderge jol tartqan edi. Jańa týyndyǵa óz baǵalaryn berip úlgergen tyńdarmandar qos juldyzdyń Instagramdaǵy paraqshalaryna pikirlerin qaldyrýda.

Biri: «Klıp klıp emes - naǵyz kıno bolǵan», «Maǵan qatty unady», «Tamasha, stıli de, baǵyty da ózgeshe»- dep jazsa, biri: «Múldem unamady. Áni tipte túsiniksiz, ne jaıynda, kim jaıynda? Onyń ishine tóbeles, atys-jarystar ne úshin kerek. Myna óleńmen tek bılep tura berý kerek sııaqty. Maǵynasyn kórmedim», «Óleńge klıp sáıkes kelmeıdi», - degen sekildi oılaryn bildirdi.

Al Búrkit bolsa, jańa týyndylary ózderine qatty unaǵanyn málim etti. «Ne bolsa da, ózimizge klıp qatty unady! Jańa baǵyt sekildi... #gakkuentertainment ózgeshe túsirdi. Biraz tyńdarmandarymyz mundaıdy bizden kútpegen sekildi. Biraq mundaı klıp Qazaqstanda osy kúnge deıin túsirilmegeni ras! Barsha xalqymyzǵa, kórermenderimizge pikirlerińiz úshin úlken raxmet. Aıtpaqshy, maǵynasy týraly, maǵynasy birneshe fılmderge jarnama sekildi úzindiler bolyp túsirilsin degen maqsatpen rejısserdiń oıy júzege asyp otyr!», - dep jaýap qaıyrdy ol.