Ánshi Ásel Sádýaqasova qurbylaryn «laqtyryp» ketti
ASTANA. 28 naýryz. QazAqparat - Ánshi Ásel Sádýaqasovanyń ómirinde ózgerister bolýda.
Ol jumystan ketti, naqty aıtqanda, on jyl boıy án aıtqan «Daýys International» tobynan shyqty. Bul týraly hittv.kz mýzykalyq saıty habarlady.
«Bul (red. - toptan ketýi), topta qandaı da bir kelispeýshilikter týyndaǵandyqtan emes. Joq, biz qyzdarmen burynǵydaı dospyz. Meniń ketýge daıyn ekendigimdi bilgende olardyń kóńil-kúıleri tústi. Men tek, top týraly eshkim esine almaıtyn kezde emes, qanshalyqty bolsa da ataqqa ıe bolyp turǵan qazirgi ýaqytta ketýdi jón kórip otyrmyn», - deıdi ánshilikpen birge ártistik ónerin birge alyp júrgen Á.Sádýaqasova.
Saıttyń jazýynsha, ánshiniń toptan ketýiniń naqty sebebi, onyń qyzmet etý salasyn túpkilikti ózgertkisi kelgenimen baılanysty. Ásel ánshilikten bir jola ketip, ártis bolmaq.
«Men ózimdi kásibı ártispin dep múldem sanamaımyn, men kásipqoımyn bul - naqty», - dedi ol.
