Ánshi Arman Qońyrbaev tótenshe jaǵdaı rejımin buzǵany úshin aıyppul tóleıtin boldy
ALMATY. QazAqparat – Almaty polıtsııasy ánshi Arman Qońyrbaevty karantın rejımin buzǵany úshin ustady, dep habarlaıdy QazAqparat tilshisi.
Polıtsııa Departamentiniń habarlaýynsha, ánshi túngi 1 shamasynda Abaı kóshesindegi laýndj barlardyń birinde demalǵan.
«Júrgizilgen jedel sharalardyń arqasynda bul bar zańǵa qaıshy jumys istep turǵany anyqtaldy. Bul mekemeniń esigi aıqara ashyq bolmaǵan. Іshine tek senimdi adamdardy kirgizgen. Solardyń biri Arman Qońyrbaev óziniń quqyqbuzýshylyq jasaǵanyn moıyndady. Bul derek boıynsha QR ÁqbK 476-babymen 10 adam ákimshilik jaýapkershilikke tartyldy. Onyń ishinde mekemeniń ıesi 28 jastaǵy Júsipov te bar. Mamandandyrylǵan aýdanaralyq ákimshilik sotynyń sheshimimen Arman Qońyrbaev 10 AEK kóleminde ákimshilik aıyppul tóleıtin boldy. Basqalary 5-15 táýlik aralyǵynda qamaýǵa alynady», - dedi qalalyq PD birinshi orynbasary Nurlan Almasbekov.
