Ánshi Álı Oqapov ózine qandaı qyzdar unaıtynyn aıtty
ALMATY. QazAqparat - Tanymal ánshi Álı Oqapov «QazAqparat» HAA tilshisine bergen suhbatynda Qazaqstan áıelderin Halyqaralyq áıelder kúnimen quttyqtady.
«8 naýryz - bul birinshi kezekte kóktem merekesi. Ony atap ótpeý múmkin emes. Bul kúnderi qala qarbalas tirshilikke kóshedi, dúkenderde kezek kóbeıedi. Al erler bolsa, sońǵy mınýttarda jantalasady. Men merekede barlyǵyn birdeı quttyqtaý ádetimde joq. Ózime eń jaqyn adamdardy ǵana quttyqtaımyn. Eń birinshi, árıne, anamdy, sosyn pedagogtar men oqytýshylarymdy... », - dedi ol.
«Osy joly bizde erekshe kún. 8 naýryzdy sahnada ótkizemiz. Mádı ekeýmiz erekshe syılyq jasap úlgeremiz be, joq pa, bilmeımin. Dástúrli túrde gúl syılaımyz. Buryn qoldan sýret salyp, ashyq hat jasaǵandy jaqsy kóretinbiz. Qazir erjettik. Mundaı syılyq endi yńǵaısyz», - dep qosty Á. Oqapov.
Budan basqa, otandyq estrada juldyzy názik jandylardyń qandaı qasıetin erekshe baǵalaıtynyn aıtyp ótti.
Álıdiń aıtýynsha, áıel zaty tárbıeli, mádenıetti, joǵary parasat ıesi ári ázildi túsine biletin bolǵany mańyzdy. Ázildiń, ánshiniń aıtýynsha, jaqsy sátterde de, qıyn sátterde kómegi mol.
Sóz sońynda jas ánshi áıelder qaýymyn kele jatqan merekelerimen quttyqtady.
