Ánshi Hulan-Aru: Batystyń arýy obrazy ózime óte jaqyn
ASTANA. KAZINFORM — Arýjan Bekbolat, ıaǵnı Hulan-Aru óner joly, obraz tańdaýy jáne ánshilik tájirıbesi týraly eksklıýzıv suhbat berdi. Ol óziniń sahnadaǵy laqap aty men óner jolyna qalaı kelgeni jaıynda alǵash ret aıtty.
– Basynda Hulan-Aru laqap atym unaǵan joq. Bul Baıan Maqsatqyzynyń prodıýserlik tobymen qoıylǵan esim edi. Keıin mánin túsingende ózime unaı bastady. «Arýjan, bul óte ádemi esim, tekti, erkin, dala qyzy, seniń beıneń búkil qazaq qyzynyń beınesi bolyp júrsin» dep qoıdy, - dedi ánshi Jibek Joly telearnasyndaǵy «Bugin LIVE» baǵdarlamasyna bergen suhbatynda.
Hulan-Aru áńgime arasynda obrazyn da túsindirip ótti. Ol ózin qaısar, batystyń qyzymyn dep sıpattaıdy. Óner adamy retinde náziktik pen qaısarlyqty úılestiretinin aıtty.
– Aqsaı qalasynan Almatyǵa arman qýyp keldim. Múmkin emes nárse joq eken. Estrada ánshisi mamandyǵyn oqydym. Jastar arasynda tanymal «Qumar» ánin negizi «Kesh you» toby Brýno Marspen oryndaý kerek edi. Sol sebepti basynda Brýno Mars stılinde jazylǵan, al men ándi qarapaıym nusqasynda oryndadym, - dedi ánshi.
Ol alǵash sahnaǵa 8–9 synyp oqyp júrgende shyqqanyn tilge tıek etti.
– Ákem qoldap, Almatydaǵy konkýrsqa ákeldi. Sol sátten keıin sahnany unattym. Almatydaǵy ál-Farabı atyndaǵy ýnıversıtetke oqýǵa tústim, biraq aqyly negizde bilim alýǵa Júrgenovke bardym. Ata-anam qarsylyq bildirmedi, - deıdi Hulan-Aru.
Hulan-Aru qazirgi tańda 4 án oryndap úlgergen, eń tanymaly 20 myńnan astam qaralym jınaǵan – «Qumar». Ol sondaı-aq kelesi jyly «Aldama» atty án shyǵaratynyn aıtty.
– Maǵan lırıkalyq ánder unaıdy. Kelesi jyly jańa yrǵaqty án shyǵarýdy josparlap otyrmyz, - dedi ánshi.
Aıta keteıik, buǵan deıin ánshi Akmal ótpeı qalǵan kontsertine bılet alǵan turǵyndardyń shyǵynyn qaıtarmaǵanyn jazǵan edik.