Ánshi Gúlnár Sıqymbaevanyń uly joǵalyp ketti

ALMATY. KAZINFORM – Ánshi, Qazaqstannyń eńbek sińirgen ártisi, marqum Gúlnár Sıqymbaevanyń jalǵyz uly Baır Sıqymbaev joǵalyp ketti.

Bul týraly aqparat áleýmettik jelide tarady.

Ondaǵy málimetke qaraǵanda, Baır Sıqymbaev 2026 jylǵy 24 naýryzda saǵat shamamen 13:20-da Kopernık kóshesi, 114-úıden shyǵyp ketken. Sodan beri hat-habar joq.

– Boıy 180-185 sm, aryqsha kelgen, shashy qysqa ári qara tústi, kózi qońyr. Ústinde qara tústi sporttyq kostıým bolǵan, - delingen habarlamada.

Almaty Polıtsııa departamenti bul aqparatty rastady.

– Medeý aýdandyq polıtsııa basqarmasy bul derek boıynsha izdestirý jumystaryn bastady. Qazirgi tańda er adamdy izdeýge baǵyttalǵan keshendi is-sharalar júrgizilip jatyr, - dedi vedomstvonyń resmı ókili Saltanat Ázirbek Kazinform tilshisine.

Eske salaıyq, 2024 jylǵy qazanda tanymal estrada ánshisi, Qazaqstan Respýblıkasynyń eńbek sińirgen ártisi Gúlnár Sıqymbaeva dúnıeden ótken edi.