Ánshi Beıbit Qorǵan Atyraý áýejaıynda ustaldy

ATYRAÝ. KAZINFORM — Ol mas kúıinde qoǵamdyq orynda tártip buzǵan jáne polıtsııa qyzmetkerlerine baǵynbady. Bul týraly Kóliktegi polıtsııa departamentiniń baspasóz qyzmeti habarlady.

Oqıǵa Atyraý áýejaıynda boldy. Jelilik polıtsııa bóliminiń qyzmetkerleri 44 jastaǵy Beıbit Qorǵandy ustap, hattama toltyrdy. Sebebi ánshi qoǵamdyq orynda tártipti saqtamaǵan jáne mas kúıinde bolǵan. 

— Qoǵamdyq orynda tártipti saqtamady, beıádep sózder aıtty jáne kóliktegi polıtsııa qyzmetkerlerine baǵynbady. Qoǵamdyq orynda mas kúıinde boldy. Polıtsııa qyzmetkerleri hattama toltyryp, ákimshilik jaýapqa tartý úshin isti sotqa jiberdi, — dep habarlady Kóliktegi polıtsııa departamentiniń baspasóz qyzmeti.

Іs Ákimshilik quqyqbuzýshylyq týraly kodekstiń «Usaq buzaqylyq» baby boıynsha qozǵaldy. Búgin Atyraý qalasynyń mamandandyrylǵan ákimshilik sotynda qaraldy. 

Atyraý qalasynyń ákimshilik quqyq buzýshylyqtar jónindegi mamandandyrylǵan sot qaýlysymen Beıbit Qorǵan Ákimshilik quqyqbuzýshylyq týraly kodeksiniń 434-babynyń 1-bóligimen kináli dep tanylyp, oǵan 78 640 teńge ákimshilik aıyppul salyndy. Aıyppul qaýlysy zańdy kúshine engen kúnnen bastap otyz táýlikten keshiktirilmeı tólenýi tıis.

Eske salsaq, Qarakesek laqap atymen tanymal Omar Amantaev esirtkige mas kúıinde kólik basqarǵany úshin 15 táýlikke qamaldy jáne ol 7 jyl kólik júrgize almaıdy. Ol ákimshilik is boıynsha 15 táýlik qamaqta otyrdy.