Ánshi Adam-nyń «Júrek» áni áleýmettik jelilerde 5 mlrd ret tyńdalǵan
ASTANA. KAZINFORM – Qazaqstandyq ánshi Adam-nyń «Júrek» atty áni búkil álemge tanyldy. Tipti áleýmettik jelilerde 5 mlrd ret tyńdalǵan. Bul týraly Facebook áleýmettik jelisindegi paraqshasyna Qambar Omarov atty qoldanýshy jazdy.
Az ýaqytta hıt bolǵan ándi Azııa, Evropa tipti Ońtústik Amerıka tyńdaıdy. «Júrek» áni Shazam álemdik reıtıngisinde 13 orynǵa shyqqan. YouTube kanalyndaǵy klıpi 52 mln kórilim jınaǵan. Tipti TikTok áleýmettik jelisinde vırýsqa aınaldy. Án súıer qaýym túrli kaverler jaza bastaǵan.
«Ándi oryndaıtyn ánshiniń shyn esimi Farrýh Tohtamýratov. Ol Jambyl oblysynyń Merki qalasynda ómirgen kelgen. Óner áleminde Adam atty shyǵarmashylyq búrkenshik esimmen tanylǵan» - dep jazdy avtor.
Ánshi óz týyndysynyń mundaı fenomenge aınalǵanyna tańqalǵanyn jasyrmady. Onyń oıynsha, júrekten shyqqan án mıllıondardyń júregine jol taba bildi.
