Ansbahtaǵy jarylysty terakt dep atady
ASTANA. QazAqparat - Bavarııa federaldy jeriniń ІІD basshysy Ioahım Herrmann Ansbah qalasyndaǵy jarylysty terrorıstik akt dep atady.
Onyń aıtýynsha, jarylysty uıymdastyrǵan adamnyń telefonynan tabylǵan vıdeo osyǵan dálel. Vıdeodaǵy er adam arab tilinde qoqan-loqy jasaǵan, dep jazdy Reıter agenttigi.
RIA Novostı agenttiginiń habarlaýynsha, jarylysty uıymdastyrǵan Sırııa týmasy vıdeoda «Islam memleketi» terrorıstik uıymynyń jetekshisine adal ekenin aıtyp, ant-sý ishken.
Jeksenbiden dúısenbige qaraǵan túni Bavarııanyń Ansbah qalasynda mýyzkalyq festıval ótken jerde jarylys boldy. Jarylys kezinde 2,5 myń adam úılerine qaıtyp kele jatqan.
Jarylystan bir adam qaza tapty, ol - 27 jastaǵy Sırııa týmasy. Budan buryn jarylysty uıymdastyrýshyǵa Germanııa bıligi bosqyn statýsyn berýden bas tartqan.
