Ansbahtaǵy jarylys saldarynan japa shekkenderdiń sany 12-ge jetti, úsheýi aýyr jaraqattanǵan (VIDEO)

ASTANA. QazAqparat - Germanııadaǵy Ansbah qalasyndaǵy jarylys saldarynan japa shekkenderdiń sany 12-ge jetti, olardyń úsheýi aýyr jaraqat aldy, dep habarlady jergilikti polıtsııa ókili.

Osyǵan deıin 11 adam japa shekkeni týraly habarlandy, dep jazdy RIA Novostı.

GFR Bavarııa federaldy jerindegi Ansbah qalasynda dúısenbige qaraǵan túni jarylys oryn aldy. Jergilikti bıliktiń aıtýynsha, oǵan jarylǵysh zaty sebep bolǵan. Oqıǵa saldarynan bir adam qaza tapty, 11 japa shekti. Aldyn ala aqparattarǵa qaraǵanda, jarylysty sol jerde mert bolǵan adam uıymdastyrǵan.