Ańsar Shaıhmeddenov «Barys» sapynda QHL-da 100-matchyn ótkizdi
![Барыс](/static/img/plug.webp)
ASTANA. KAZINFORM - Qazaqstandyq hokkeıshi Ańsar Shaıhmeddenov keshe elordada «Amýrmen» ótken kezdesýde Qurlyqtyq hokkeı lıgasyndaǵy 100-matchyn ótkizdi.
Shabýylshy atalǵan oıyndardyń barlyǵynda «Barys» sapynda óner kórsetti. Osy ýaqyt aralyǵynda ol 11 (4+7) upaı oljalady. Sondaı-aq 46 kúshtik ádis jasap, qarsylastyń 45 soqqysyna tosqaýyl bolǵan. Shabýylshy muz aıdynynda ár matchta orta eseppen 9 mınýt 20 sekýnd ótkizgen.
![Barys Barys](https://img.inform.kz/kazinform-photobank/media/2024-09-10/f1dfc41a-4309-4c09-a17f-04bce0066068.jpeg)
Aıta ketsek, elordalyq «Barys» Qurlyqtyq hokkeı lıgasyndaǵy alǵashqy úsh oıynyn sátsiz ótkizdi. Olar 9 qyrkúıekte Reseıdiń «Amýr» komandasyna 1:5 esebimen jol berdi.
![Barys Barys](https://img.inform.kz/kazinform-photobank/media/2024-09-10/533e728d-509d-468c-b68c-b1c15c9ee691.jpeg)
Al odan buryn Reseıdiń «Neftehımıgine» 1:2, «Traktoryna» 1:4 esebimen jeńilip qaldy. Endi elordalyq klýb 13 qyrkúıekte Astanada Belarýstiń «Dınamo» (Mınsk) komandasyn qabyldaıdy.
Jańa maýsymǵa daıyndyq aldynda komanda basshylyǵy atalǵan qyzmetke kanadalyq Devıd Nemırovskıdi shaqyrdy. 1993-2014 jyldar aralyǵynda hokkeıshi retinde oıyn kórsetken ol 2018 jyldan beri bapkerlik qyzmet atqaryp keledi. Aldymen Reseıdiń «Torpedo» (Nıjnıı Novgorod) klýbynda eńbek etken maman tórt jyl boıy komandaǵa tálimgerlik jasady. 2023 jyldyń sáýirinde Reseıdiń «Sıbır» (Novosibir) klýbynda bas bapker qyzmetine taǵaıyndalǵan maman sol jyldyń 6 jeltoqsanynda ornyn bosatty.