Ańsaǵan sábı: Sońǵy tórt jylda Pavlodarǵa 1106 kvota bólingen

PAVLODAR. KAZINFORM — Pavlodar oblysynda «Ańsaǵan sábı» baǵdarlamasy aıasynda ekstrakorporaldy uryqtandyrýǵa (EKU) 2019 jyldan beri 1106 kvota bólingen. Nátıjesinde sońǵy úsh jylda 272 sábı dúnıege kelgen.

EKU baǵdarlamasy boıynsha 2010-2020 jyldar aralyǵynda Pavlodar oblysyna nebári 335 kvota bólingen. «Ańsaǵan sábı» baǵdarlamasynyń nátıjesinde kvota sany eselep ósti.

— 2021 jyly EKU-ǵa 290 kvota aýyldyq jerlerge basymdyq bere otyryp bólindi. Barlyq erli-zaıyptylar baǵdarlamany aıaqtap, 112 jup (38,6%) oń nátıje aldy. 2022 jyly — 281, 2023 jyly — 269, al bıyl 266 kvota bólinip otyr, — dep habarlady óńirlik densaýlyq saqtaý basqarmasynyń baspasóz qyzmetinen.

«Ańsaǵan sábı» baǵdarlamasynyń úsh jylynda Pavlodar oblysynda 272 bala, onyń ishinde 3 egiz bala dúnıege kelgen. Bıylǵa bólingen kvota aıasynda 84 jup oń nátıje alyp úlgergen.

Eske sala keteıik, «Ańsaǵan sábı» baǵdarlamasy arqyly 8 myń náreste dúnıege keldi.