Ańsaǵan sábı: Mańǵystaýda ıAsmına, Alına, Adına esimdi úshem dúnıege keldi

AQTAÝ. QazAqparat – Mańǵystaýda osy jyldyń alǵashqy úshemi dúnıege keldi. Sábılerge ıAsmına, Alına, Adına esimderi berilgen, dep habarlaıdy QazAqparat tilshisi.

Munaıly aýdanynyń 24 jastaǵy turǵyny Gúldana Sahı birden 3 balanyń anasy atandy. Kópten kútken náresteler «Ańsaǵan sábı» baǵdarlamasy arqyly dúnıege kelgen. Olardyń bireýi 1 keli 850 gramm, ekeýi 1 keli 600 gramm salmaqpen týǵan.

Qazir náresteler emdep-jetildirýdiń ekinshi satysynda em qabyldap jatyr. Bóbekterdiń jaǵdaıy jaqsy, salmaq qosyp keledi.

«Jas ananyń jaǵdaıy jaqsy. Ana men sábılerdiń ómirin saqtap qalý úshin qoldan kelgenniń bári jasaldy. Ázirge oblystyq «Ana men bala» perınataldyq ortalyǵynda dárigerlerdiń baqylaýynda bolady», - dedi Mańǵystaý oblystyq perınataldyq ortalyǵy dırektorynyń orynbasary Sholpan Balmaǵanbetova.

Aıta keteıik, 2022 jyly «Ańsaǵan sábı» baǵdarlamasy boıynsha oblysqa 267 kvota bólingen. Nátıjesinde 68 otbasy balaly bolǵan.