«Ańsaǵan sábı»: EKU-ǵa kvota berýden qandaı jaǵdaıda bas tartylady

NUR-SULTAN. QazAqparat – «Áleýmettik medıtsınalyq saqtandyrý qory» KeAQ medıtsınalyq kómektiń sapasyn baqylaý departamentiniń dırektory Lázzat Shomanova ekstrakorporaldy uryqtandyrýǵa (EKU) kvota berýden qandaı jaǵdaıda bas tartylatynyn túsindirdi, dep habarlaıdy QazAqparat tilshisi.

«Áıelderge ekstrakorporaldy uryqtandyrýǵa kvota alýdan birneshe jaǵdaıda bas tartylýy múmkin. Eger jatyrdyń nemese jatyr tútikteriniń týabitken nemese júre paıda bolǵan anomalııalary, somatıkalyq, onkologııalyq aýrýlar, emdeýdi qajet etetin jiti qabyný aýrýlary bolsa - kvota berilmeıdi. Bul rette patsıentter tirkelgen jeri boıynsha emhanaǵa júginedi. Eger dárigerler qarapaıym júktilik úshin barlyq emdik múmkindik taýsylǵanyn túsinse, onda áıelderdi ekstrakorporaldy uryqtandyrýǵa jibere bastaıdy», - dep túsindirdi Lázzat Shomanova.

Ol úshin bolashaq ana arnaıy tizimge tirkelýi kerek. Mamandar ony 12 aı boıy daıyndap, ózi tıisti qujattardy jınaýy qajet. Ol qujattar aımaqtyq komıssııaǵa jiberilip, kvota bólý máselesi qaralady.

«Qor EKU qyzmetin kórsetetin 19 medıtsınalyq qyzmet jetkizýshimen shart jasasty, onyń 18-i – jeke menshiktiń ıeliginde. Barlyq uıym ataýlary Qordyń ınternet-resýrstarynda kórsetilgen. ıAǵnı kvota alǵysy keletin patsıentter osy uıymdardyń kez kelgenin tańdaı alady. Olardyń tańdaý quqyǵy saqtalǵan», - dedi Lázzat Shomanova.