«Ańsaǵan sábı» baǵdarlamasy: elordaǵa bıyl EKU-nyń 514 kvotasy bólindi

2021 jyldan bastap, QR Prezıdenti Qasym-Jomart Toqaevtyń tapsyrmasy boıynsha Qazaqstanda «Ańsaǵan sábı» baǵdarlamasy júzege asyrylýda. Baǵdarlamanyń maqsaty – qosalqy reprodýktıvti tehnologııalardyń (QRT) kómegimen otbasylyq-demografııalyq problemalardy sheshýge járdemdesý.

«2021 jyly Medıtsınalyq saqtandyrý qory ekstrakorporaldyq uryqtandyrýdyń 7000 tsıklin qarjylandyrýdy josparlady, jasandy uryqtandyrý rásimin júrgizýge kvotalar sany 2020 jylmen (1105 EKU qyzmeti kórsetilgen) salystyrǵanda salystyrǵanda 7 esege ósti. Astana qalasy boıynsha bıyl EKU-ǵa 514 kvota bólindi» - dep habarlaıdy «Áleýmettik medıtsınalyq saqtandyrý qory» KEAQ elorda fılıalynyń baspasóz qyzmeti.

Ekstrakorporaldyq uryqtandyrý emsharalary (protsedýra) quny qymbat joǵary tehnologııalyq medıtsınalyq qyzmetterge jatady. Buǵan deıin EKU tegin medıtsınalyq kómektiń kepildik berilgen kólemi sheńberinde júrgizildi. Alaıda, qarjylandyrý kólemi az boldy, jylyna shamamen 900-1000 kvota bólindi. 2021 jyldan bastap, QR Prezıdenti Qasym-Jomart Toqaevtyń tapsyrmasy boıynsha Qazaqstanda «Ańsaǵan sábı» baǵdarlamasy júzege asyrylýda. Bul kvota sanyn 7 esege – jylyna 7 000-ǵa deıin arttyrýǵa múmkindik berdi. Emshara MÁMS júıesindegi medıtsınalyq qyzmetter tizbesine kiredi, sondyqtan saqtandyrylǵan patsıentter ony tegin óte alady.

«Elordada 1238 erli-zaıypty bedeýlikpen esepte tur. № 2 qalalyq kópbeıindi aýrýhananyń áıelder densaýlyǵy bólimshesi Astana qalasy boıynsha EKU-ǵa daıyndyq – qosalqy reprodýktıvti tehnologııalar arqyly kómek kórsetý boıynsha uıymdastyrý-ádisteme jáne úılestirý ortalyǵy bolyp tabylady. Bıyl elordaǵa 514 kvota bólindi. Qoǵamdyq densaýlyq saqtaý basqarmasynyń jumys komıssııasy esepte turǵandarǵa bólingen kvotalardy 100% bólip, taratty.

2021 jyldan bastap elordanyń MSAK uıymdary buryn emdelmegen jáne jeke medıtsınalyq ortalyqtarǵa qaralǵan bedeýligi bar patsıentterdi belsendi túrde anyqtap, esepke alýda.»Ańsaǵan sábı«baǵdarlamasyn iske asyrý arqasynda kóptegen erli-zaıyptylar úshin MÁMS sheńberinde EKU rásimi qoljetimdi boldy, kvotany kútý uzaqtyǵy aıtarlyqtaı qysqardy jáne bedeýlik túrleri anyqtalatyn kórsetkishter aıasy keńeıdi» - dep bólisti №2 qalalyq kópbeıindi aýrýhana dırektorynyń ambýlatorııalyq qyzmet jónindegi orynbasary, Astana qalasy boıynsha EKO jáne otbasyn josparlaý jónindegi úılestirýshi Ibraeva Sáýle Jamantaıqyzy.

EKU kimder ala alady?

EKU emsharasyn júrgizýge negiz bolatyn basty kórsetkish – terapııalyq jolmen emdelmeıtin bedeýlik. EKU-ǵa erli-zaıyptylar da, resmı nekede turmaıtyn erli-zaıyptylar da ótinish bere alady, biraq bul jaǵdaıda ózara erikti jazbasha kelisim qajet. Sondaı-aq, EKU emsharalaryn Densaýlyq saqtaý mınıstrligi belgilegen myna medıtsınalyq parametrlerge saı keletin Qazaqstan azamattary ala alady: reprodýktıvti jas (18-den 49 jasqa deıin); qalypty somatıkalyq kúı; qalypty endokrındik kúı; qanaǵattanarlyq ovarıaldyq rezerv.

Naýqasty ekstrakorporaldyq uryqtandyrýdan bas tartý birneshe jaǵdaıda bolýy múmkin: jatyrdyń týa bitken nemese júre paıda bolǵan aýytqýlary kezinde; somatıkalyq jáne psıhıkalyq buzylýlar kezinde; analyq bez isikterinde; jedel qabyný aýrýlarynda; onkologııa kezindegi kez-kelgen oqshaýlaýda.

EKU joldamany qalaı alýǵa bolady?

EKU-ǵa joldama alý úshin tirkelgen jeri boıynsha emhanaǵa júginý qajet.

Uıym mamandary patsıentti bedeýligi bar patsıentterdiń dıspanserlik elektrondyq tirkelimine engizedi jáne birqatar tekserýler-zertteýler taǵaıyndaıdy. Bedeýlik dıagnozyn qoıý kezinde erli-zaıyptylar №2 qalalyq kópsalaly aýrýhananyń áıelder densaýlyǵy bólimine jiberiledi, onda dıagnozdy tolyq jáne qosalqy tekserý, patsıentterdi emge aldyn ala daıyndaý sharalary júrgiziledi. Qoǵamdyq densaýlyq saqtaý basqarmasynyń jumys komıssııasy MÁMS aıasynda qoldan uryqtandyrýdy maquldaǵan jaǵdaıda áıeldi «Emdeýge jatqyzý bıýrosy» portalynda tirkeıdi jáne qosalqy reprodýktıvti tehnologııalar (QRT) qyzmetterin kórsetetin klınıkada rásimge daıyndala bastaıdy. Naýqas ekstrakorporaldy uryqtandyrý úshin klınıkany tańdaýǵa quqyly.

EKU emsharasynan jylyna bir ret MÁMS boıynsha tegin ótýge bolady. MÁMS júıesinde EKU júrgizer aldynda erli-zaıyptylardy tekserý kólemi qarastyrylǵan tizbege sáıkes júzege asyrylady.

Aıta keteıik, elimizdiń 9 óńirinen 19 medıtsınalyq uıym Qordyń EKU qyzmetterin jetkizýshileri bolyp tabylady, onyń 18-i jekemenshik. Patsıent ekstrakorporaldy uryqtandyrý úshin klınıkany tańdaýǵa quqyly. EKU qyzmetterin kórsetetin jetkizýshilerdiń tizimimen Qordyń fms.kz resmı saıtynda «Patsıent úshin», odan ári «Klınıkany tańdaý» bóliminde tanysýǵa bolady.