«Ańsaǵan sábı» baǵdarlamasy: Bala súıýge úmitti kez kelgen jup qatysa alady
Ortalyq kommýnıkatsııalar qyzmetinde ótken baspasóz máslıhatynda QR Densaýlyq saqtaý mınıstrliginiń resmı ókili Baǵdat Qojahmetov Memleket basshysy Qazaqstan halqyna Joldaýynda Densaýlyq saqtaý mınıstrliginiń aldyna 11 tapsyrma júktegenin eske saldy. Olar buǵan deıin tyńǵylyqty talqylandy. Tek EKO-ǵa kvotany arttyrýǵa ǵana toqtalǵym keledi. Prezıdent Úkimetke kelesi jyldan bastap «Ańsaǵan sábı» baǵdarlamasyn iske qosýdy jáne EKO baǵdarlamasy boıynsha kvota sanyn 7 myńǵa deıin arttyrýdy tapsyrdy», - dedi ol.
Onyń dereginshe, EKO baǵdarlamasy elimizde 2010 jyldan bastap medıtsınalyq kómektiń kepildendirilgen kólemine qosylǵan. Búginde elimizde 26 EKO ortalyq jumys isteıdi. Onyń 21-i jekemenshik sanalady. Qazirgi ýaqytta osy ádispen 22 myńnan astam bala dúnıege keldi.
«Respýblıkalyq elektrondyq densaýlyq saqtaý ortalyǵynyń málimetin boıynsha elimizde 9 myń 467 áıel bedeýlik dıagnozymen esepte tur. Kelesi jyly iske qosylatyn «Ańsaǵan sábı» baǵdarlamasyna jasandy jolmen uryqtandyrý arqyly bala súıýge úmitti kez kelgen juptar qatysa alady», - dedi resmı ókil.
Osy baǵdarlama aıasynda patsıent jylyna bir ret EKO jasaı alady.
«Áleýmettik medıtsınalyq saqtandyrý qory bıyl 1105 EKO-ǵa 943 mln 800 myń teńge qarastyrǵan. Prezıdenttiń joldaýyna sáıkes, EKO kvotany 7 myńǵa jetkizý kerek, ıaǵnı 7 ese kóbeıtý qajet. 943 mln-dy 7 esege kóbeıtsek, tıisti soma shyǵady», - dep naqtylady B. Qojahmetov.
Maman ne deıdi?
«Ekomed» Adam urpaǵyn órbitý emhanasynyń basshysy Saltanat Baıqoshqarovanyń paıymynsha, Qazaqstanda bedeýligi bar adamdardyń tizilimin jasaý qajet.
«Bedeýlik máselesimen aınalysqanyma 32 jyl bolypty. Onyń ishinde ekstrakorporaldy uryqtandyrý ádisiniń alǵashqy mamany retinde engizgenime 25 jyl tolypty. Biz kóbine aqyly túrde qyzmet kórsettik. 2010 jyldan bastap memleketimiz 100 kvotadan bastasa, bıyl 1 myńnan sál asatyn kvotaǵa qol jetkizdik. Soǵan da qýanatynbyz. Biraq, keshegi Prezıdent Joldaýyndaǵy 7 myń kvota bólý sheshimi biz úshin úlken qýanysh boldy. Óıtkeni, bizge keletin adamdardyń barlyǵy birdeı 1 mıllıon teńge taba almaıdy. Bul aqshanyń jartysy dárige ketedi. Sondyqtan bul úlken kómek jáne patsıentterimizdiń barlyǵy qýanyp jatyr. Kútpegen jaǵdaı boldy. Biz kóp bolsa 2 ese kóbeıter dep oılaǵan edik», - dedi ol Prezıdent Joldaýy aıasyndaǵy áleýmettik basymdyqtardy talqylaýǵa arnalǵa sharada.
Osy oraıda ol Prezıdent Joldaýynan keıin mınıstrlikpen qyzý jumys isteıtinderin jetkizdi. Eń basty másele – elimizde bedeýliktiń tizilimi joq.
«Biz jalpy sózben «5, 6-shy otbasy bedeýlikpen betpe-bet keledi» dep aıtamyz. Alaıda, olardyń barlyǵyna arqaý bolatyn statıstıka joq. Sondyqtan tsıfrlandyrý zamanynda qansha adam bedeýlikke ushyraǵandyǵyn anyqtaý qajet. ıAǵnı, bedeý adamdardy tirkeý máselesin durystap, baza, tizilim jasaýymyz kerek. Densaýlyq saqtaý mınıstrliginiń buıryqtaryn, hattamalaryn ózgertýge tıispiz», - dedi Saltanat Baıqoshqarova.