«Ańsaǵan sábı» baǵdarlamasy 2030 jylǵa deıin jalǵasady
Qazaqstanda árbir altynshy erli-zaıypty bedeýlikten zardap shegedi. Sonymen qatar, statıstıka da jyl saıyn artyp keledi. Bul týraly Almatyda Qazaqstan reprodýktologııalyq medıtsına qaýymdastyǵynyń XV halyqaralyq kongresinde reprodýktolog Vıacheslav Lokshın aıtty, dep habarlaıdy Kazinform.
«Elimizde ár altynshy otbasy bedeýlikten zardap shegedi. Oǵan ekologııanyń nasharlyǵy, áıel men erkek densaýlyǵynyń tómendigi sebep. Sondyqtan da qazir ekstrakorporaldy uryqtaný (EKO) ádisine súıenetinderdiń sany artyp keledi. 2021 jyly QR Prezıdentiniń tapsyrmasymen elimizde úsh jylǵa arnalǵan «Ańsaǵan sábı» baǵdarlamasy qabyldanyp, memlekettik kvotanyń sany jetis esege ulǵaıtylǵan bolatyn», - dedi ol.
Qazaqstan reprodýktologııalyq medıtsına qaýymdastyǵynyń prezıdenti Vıacheslav Lokshın úsh jyldyq baǵdarlamanyń nátıjesimen bólisti: «2021 – 2023 jyldar aralyǵynda 21 000 otbasyna ekstrakorporaldy uryqtaný ádisi qoldanylyp, 10 000 astam bala dúnıege keldi. Bul úlken kórsetkish. Endi «Ańsaǵan sábı» baǵdarlamasy 2030 jylǵa deıin uzartylatyn boldy. Biz jyl saıyn mindetti medıtsınalyq saqtandyrý qorynyń qarajaty esebinen 7000 jasandy uryqtanýdy jasaýdy ári qaraı jalǵastyramyz ıAǵnı, aldaǵy jeti jylda 49 000 bedeýlikke shaldyqqan otbasy atalǵan baǵdarlamaǵa qatysyp, ata-ana atanýyna múmkindik bar»,- dedi reprodýktolog.
