«Ańsaǵan sábı»: Atyraýda ómirge kelgen sábıdiń salmaǵy – 503 gramm

Atyraýda bes aı buryn «Ańsaǵan sábı» baǵdarlamasymen ómirge kelgen sábı áli aýrýhanada jatyr. Jaqynda perınataldyq ortalyqtan oblystyq balalar aýrýhanasyna aýystyryldy, dep habarlaıdy QazAqparat tilshisi

Eń jeńil salmaqtaǵy sábı otbasynyń tuńǵyshy eken. Ómirge kelgen kezdegi salmaǵy – 503 gramm, al, boıy 28 santımetr bolǵan.
«Mundaı jeńil salmaqtaǵy sábı shala týǵandar sanatyna jatady. Oblystyq perınataldyq ortalyqtyń dárigerleri bes aıdan beri sábıge qarqyndy em-dom júrgizdi. Osy kezge deıin onyń salmaǵy 2 keli 500 gramǵa jetti. Jaqynda odan ári em-dom sharalaryn jalǵastyrý úshin Atyraý oblystyq balalar aýrýhanasyna aýystyryldy. Óıtkeni, onyń ókpesi kishkentaı bolǵandyqtan, áli de SRAR tútikshesiz apparatymen ottegi berý qajet», - dep habarlady perınataldyq ortalyqtyń baspasóz qyzmeti.

Bul sábıdiń ata-anasy EKU ádisine bes ret júgingen. Al, bıyl «Ańsaǵan sábı» baǵdarlamasymen taǵy da sábı súıýge bekingen.

«Otbasymyzdyń basty armany – sábı súıý. Bıyl júktilik sátti ótip jatqan edi. Alaıda, densaýlyǵyma baılanysty júktiliktiń 22-aptasynda egiz sábıdi bosanýǵa týra keldi. Egizdiń syńary tórt saǵattan soń shetinedi. Endi osy qyzymnyń amandyǵyn tilep otyrmyn», - deıdi sábıdiń anasy Anargúl.

Eske sala ketelik, Atyraýda byltyr «Ańsaǵan sábı» baǵdarlamasymen EKU-ǵa 233 kvota bólingenin jazǵan edik.