Ańsaǵan Mustafa qazaqy naqyshtaǵy óz jeıdeleriniń qytaılyq kóshirmesi qaptap ketkenine alańdaýly
ASTANA. QazAqparat - Tanymal sýretshi, ıllıýstrator Ańsaǵan Mustafa Almaty bazarlarynda óziniń qazaqy naqyshtaǵy jeıdeleriniń qytaılyq kóshirmesi qaptap ketkenine alańdaýly. Ol bul máseleni feısbýktegi paraqshasynda jazdy.
«Dostar bizdiń fýtbolkalardyń poddelkasyn qytaılar jasap bizdiń Almatynyń baraholkasyna ákep sata bastapty. Matasy da nasharlaý, baǵasy da arzandaý, sýreti de solǵyndaý... Ne isteımin?», - dep jazady Ańsaǵan Mustafa.
Eske sala keteıik, áleýmettik jelide Ańsaǵan Mustafanyń ár jańalyqqa, kóterilgen problemalarǵa arnap salynǵan sýrettermen qatar, kóbine óz sýretteri arqyly qalyń oqyrmannyń nazaryn jańa taqyrypqa aýdaryp, tyń máselelerdiń basyn qozǵap keledi. Onyń qazaq jastaryna arnap salynǵan sýretteri túrik, japon, grýzın, qyrǵyz, aǵylshyn, orys jáne taǵy da basqa onshaqty tilderge aýdarylyp, álemge tarady. Sonymen qatar, birazdan beri Ańsaǵan Mustafa ulttyq naqyshta, ártúrli taqyrypta sýretter salynǵan óz fýtbolkalaryn ınternet arqyly saýdaǵa shyǵara bastaǵan bolatyn.
Sonymen qatar, A.Mustafa buǵan deıin Qytaıǵa baryp sheberlik sabaǵyn ótkizý týraly jospary bar ekenin de aıtqan edi.
