«ANSA» aqparat agenttigi QazAqparatty mereıtoıymen quttyqtady
«Barshańyzǵa sálem! Meniń esimim Stefano de Alessandrı. Men – ANSA ıtalııalyq aqparat agenttiginiń bas dırektorymyn. Meniń artymda turǵan agenttigimizdiń logotıpin jáne mereıtoıymyzǵa oraı ondaǵy 75 jyl sanyn kórip otyrǵan bolarsyz.
«QazAqparat» qazaqstandyq aqparat agenttigindegi dostarymyzǵa eń ıgi tilekterimizdi jetkizýge óte qýanyshtymyz. Jáne osy jyly eki agenttik te ataýly kúndi toılap otyrǵanyna asa qýanyshtymyn.
Bıyl oryn alǵan jaǵdaı barlyǵy úshin qıyn bolǵanyn bilesizder. Oqshaýlanǵanǵa deıingi sońǵy saparymyz osy Qazaqstanǵa jasalǵan edi. Onda myna fotoda kórip otyrǵanyńyzdaı, Asqar Ýmarovpen kezdestim. Bul, koronavırýs pandemııasy búkil álemde tarala bastaǵanǵa deıin, qańtar aıynda boldy. Jáne bul kúni eki agenttiktiń arasyndaǵy Yntymaqtastyqqa qol qoıdyq. Ony biz erekshe maqtan tutamyz. Alty-jeti aı buryn bastalǵan yntymaqtastyq úshin taǵy da óz rızashylyǵymdy bildiremin. Jaqynda sizdi Italııada nemese qaıtadan Qazaqstanda kóremin dep úmittenemin jáne sizderdiń mańyzdy mereıtoılaryńyzǵa baılanysty izgi tilekterimdi bildiremin», - dedi ANSA Basqarma tóraǵasy.
